கர்மயோகி

ஆற்றில் விழுந்த அழகி: 

அழகி ஒருத்தி ஆற்றில் அடித்துச் செல்லப்படும் போது.. 

''நமக்கென்ன'' என்று பாராமல் இருப்பவன் மனித மிருகம். 

''ஆபத்து, ஆபத்து!''என்று அலறுபவன் பொது ஜனம்.

''ஐயோ பாவம்''என்று முணுமுணுப்பவன் அனுதாபி. 

''ஆண்டவனே, அவளைக் காப்பாற்று'' என்பவன் பக்தன். 

''அற்புதமான அழகு''என்று அந்த நிலையிலும் ரசிப்பவன் கவிஞன். 

''பெண்களும் நீச்சல் கற்க வேண்டும்''என்பவன் சீர்திருத்தவாதி. 

''ஆற்றில் குளிக்கக்கூடப் பாதுகாப்பில்லை''என்பவன் எதிக்கட்சிக்காரன். 

''எவ்வளவு இழப்பீடு வழங்கலாம்'' என யோசிப்பவன் ஆளும் கட்சிக்காரன். 

காப்பாற்றும் முயற்சியில் உயிர் துறப்பவன் தியாகி. 

ஆற்றில் இறங்கி, காப்பாற்றி, தன் வழியே செல்பவன் கர்மயோகி